Sporte Luftarake

Majlinda Kelmendi mposhti polaken Perenc

Me këtë fitore Kelmendi arrin një çerekfinale

Në ndeshjen e fundit “Judo”, Majlinda Kelmendi ka triumfuar ndaj polakes Agata Perenc, pas 5:17 minuta luftë me një Waza-ari, duke arritur në çerekfinale të Mastersit të xhudos që po mbahet në Doha të Katarit, transmeton albinfo.ch.

Për Kelmendin është paraqitja e parë në një garë pas më tepër se një vit pauzë.

Kampionia olimpike, që garon në kategorinë deri 52 kilogramë, në meçin e parë e mposhti rumunen Andreea Chitu.

Nga ana tjetër, Distria Krasniqi ka kaluar në çerekfinale të Mastersit të xhudos që po mbahet në Doha të Katarit.

Krasniqi, që është numër një në renditjen botërore në kategorinë deri 48 kilogramë, raundin e parë e kaloi pa luftë, ndërsa në raundin e dytë e mposhti me “Ippon”, sllovenen Marusa Stangar.

Në kategorinë deri 52 kilogramë Majlinda Kelmendi, pas një mungese mbi njëvjeçare, u është kthyer garave. Ajo në raundin e parë e mposhti rumunen Andreea Chitu.

Sot garon edhe Nora Gjakova në kategorinë deri 57 kilogramë. /Albinfo.ch