Maqedonia me rrezik të lartë në trafikimin e njerëzve

Maqedonia është burim, tranzit dhe destinacion për femra dhe fëmijë, subjekte të trafikimit, thuhet në raportin e Departamentit amerikan të Shtetit për Trafikimin e Njerëzve për vitin 2011.

Departamenti Amerikan i Shtetit e ka rradhitur Maqedoninë në vendet me rrezik të lartë në trafikimin e qënieve njerëzore.

Në raportin vjetor për trafikimin e qënieve njerëzore theksohet se qeveria e Maqedonisë nuk ka vepruar në pajtueshmëri të plotë me minimumin e standardeve për eliminimin e trafikimit, prandaj Maqedonisë i rekomandohet që të hetojë dhe të ndjekë më ashpër trafikantët.

Edhe Shqipëria nuk qëndron më mirë.. Shqipëria thuhet se është një vend-burim për trafikimin e burrave, grave për  dhe fëmijëve që detyrohen të kërkojnë lëmoshë.

Në raport thuhet se viktimat e Shqipërisë së trafikimit ndahen në dy grupe, ato që detyrohen të bëjnë punë të detyruar dhe për shfrytëzim seksual brenda Shqipërisë, por edhe në Greqi, Itali, Maqedoni, Kosovë dhe Evropën Perëndimore.

Në raportin e Departamentit amerikan të Shtetit  për Trafikimin e Njerëzve për vitin 2011, përfshihen 180 vende dhe në të vlerësohet puna që bëjnë qeveritë e këtyre vendeve në përpjekje për të luftuar trafikimin e njerëzve