Autotech
Marrëveshja gjigante mes BMW-Mercedes-Volkswagen, po hetohet nga BE-ja
Hetimi është nisur nga komisionerja evropiane për Konkurrencën, Margrethe Vestager
Autoriteti i Mbikëqyrjes Antimonopol i BE-së ka nisur një hetim për një marrëveshje të mundshme midis prodhuesve gjermanë të automobilave për të mos qenë në konkurrencë në fushën e teknologjive për uljen e emetimeve të gazrave me efekt serrë, tre vjet pas shpërthimit të skandalit “Dieselgate”.
“Komisioni po shqyrton nëse BMW, Daimler dhe Volkswagen kanë rënë dakord për të mos bërë konkurrencë në lidhje me zhvillimin dhe vendosjen e sistemeve të rëndësishme që mundësojnë uljen e emetimeve të dëmshme të makinave, kryesisht atyre me motor dizel”, sipas një deklarate të ekzekutivit evropian.
Hetimi është nisur nga komisionerja evropiane për Konkurrencën, Margrethe Vestager.
Komisioni deklaroi se teknologjitë përfshijnë sistemet e reduktimit selektiv katalitik, që redukton oksidin e nitrogjenit nga makinat me naftë, si dhe filtrat “Otto” që reduktojnë ndotjen nga makinat me benzinë.
E gjithë kjo ka nisur pas informacioneve sipas së cilave BMW, Daimler, Volkswagen (si dhe Audi dhe Porche degë e VW) kanë marrë pjesë në takime, ku është diskutuar zhvillimi dhe futja e teknologjive që mundësojnë uljen e emetimeve të dëmshme të gazrave që lëshojnë makinat, përcjell albinfo.ch.
Mediat gjermane raportojnë se “Daimler” prodhuesi i makinave ”Mercedes-Benz” kishte pohuar fillimisht ekzistencën e kësaj marrëveshje në shkallë të gjerë midis prodhuesve gjermanë për të përfituar nga zemërgjerësia e autoriteteve të konkurrencës.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?