Masat e reja për plazh në Shqipëri

Të gjithë turistëve do t'u matet temperatura, derisa do të përfshihen edhe disa masa të tjera

Ministria e Turizmit e Shqipërisë, në bashkëpunim me Ministrinë e Shëndetësisë dhe Mirëqenies Sociale shqiptare, kanë hartuar një draft në lidhje me masat anti-Covid-19 që do të respektohen përgjatë sezonit turistik.

Në këtë draft të siguruar nga ‘BalkanWeb’, që do të kalojë si fillim për diskutim, caktohen të gjitha rregullat që do të ndiqen nga ky sektor, duke nisur që nga afishimi i rregullave nëpër hotele, restorante apo dhe bare, e deri te pajiset mbrojtëse apo dhe vendosja e tavolinave për klientët, përcjell albinfo.ch.

Ndërkohë, mes të tjerash aty përcaktohet qartë se të gjithë personat që do të hyjnë nëpër këto mjedise, bare, restorante apo hotele, do t’ju matet temperatura nga një person që do të jetë i trajnuar.

Po ashtu rregulla do të ketë edhe në shërbimin e ushqimit, apo dhe larjen e enëve.

---