Kuriozitete

Mbahet Kampionati Botëror i qethjes së deleve në Francë

Javën e fundit në qytetin Le Dorat të Francës është mbajtur Kampionati Botëror i qethjes së deleve. Në këtë kompeticion kaq të veçantë morën pjesë më shumë se 300 garues, nga 34 vende të botës, të cilët qethën rreth 5 mijë dele, përcjell albinfo.ch.

Fituesi i këtij konkursi u vlerësua në bazë të shpejtësisë dhe teknikës për qethjen e bagëtive. Në kampionat garohej në dy disiplina, atë të qethjes me gërshërë dhe ajo me makinë. Sipas përllogaritjes, u shënua dhe një rekord i ri, pasi në 24 orë u qethën mbi 2500 krerë bagëti.