Lajme
Mbeten në arrest aktivistët e Vetëvendosjes
Atdhe Arifi, Frashër Krasniqi, Egzon Haliti e Adea Batusha, janë aktivistët të Vetëvendosjes të cilët do të mbetën në arrest shtëpiak edhe për dy muaj. Ata dyshohen për terrorizëm
Katër aktivistët e Lëvizjes Vetëvendosje që dyshohen për hedhje të granatës në Kuvendin e Kosovës, do të mbeten në arrest shtëpiak edhe për dy muaj të tjerë. Kështu ka marrë vendim sot Gjykata Themelore në Prishtinë, sipas të cilës, masa e ndalimit vazhdon deri në zhvillimin e hetimeve përfundimtare.
Këtë njoftim të gjykatës e ka konfirmuar edhe zëdhënësi i Lëvizjes Vetëvendosje, Frashër Krasniqi, i cili ka konsideruar se “LVV po sulmohet vetëm se është alternativa e vetme për ndaljen e “kriminelëve”.
Atdhe Arifi, Frashër Krasniqi, Egzon Haliti e Adea Batusha, janë aktivistët të cilët do ta vuajnë këtë masë të caktuar nga gjykata.
“Sapo e pranova vendimin për vazhdim të arrestit shtëpiak edhe 2 muaj. Sa më shumë prova që po dalin për pafajësinë tonë, aq më shumë po zgjatet procesi dhe aq më shumë po konfirmohet shndërrimi i sistemit të drejtësisë në sistem të kriminalizuar që i shërben “Pronto”-s. Jo edhe 2 muaj, por edhe 20 le t’i vazhdojnë. Të mbahesh nën arrest nga kriminelët, nënkupton që ua ke zënë rrugën atyre”, thotë ai.
Ndryshe, në këtë grup ishte edhe i ndjeri Astrit Dehari, i cili u gjet i vdekur më 5 nëntor 2016, në qelinë e tij në Burgun e Prizrenit. Vdekja e tij e cilësuar si vetëvrasje nga prokuroria, vazhdon të mbetet mister nga Lëvizja Vetëvendosje dhe nga shoqëria civile. Edhe Dehari akuzohej për hedhje të mortajës së dorës në Kuvendin e Kosovës në gusht të vitit të kaluar.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)