Lajme

Mbi 37,400 refugjatë nga Ukraina janë strehuar deri tani në Zvicër

Prej tyre, 30.551 kanë marrë statusin e mbrojtjes S, njofton Sekretariati Shtetëror për Migracionin (SEM) në Twitter

E mërkurë, 20 Prill 2022 - 19:45 albinfo.ch

Keystone

Saktësisht 37,435 refugjatë nga Ukraina janë regjistruar që nga fillimi i luftës dhe deri tani, në Zvicër, shkruan srf.ch. Prej tyre, 30.551 kanë marrë statusin e mbrojtjes S, njofton Sekretariati Shtetëror për Migracionin (SEM) në Twitter.

Ndërkohë, 947 persona të tjerë nga Ukraina janë regjistruar në Zvicër që nga e marta, dhe 730 të tjerë kanë marrë statusin e mbrojtjes (azilit), S.

Sipas Komisionerit të Lartë të Kombeve të Bashkuara për Refugjatët (UNHCR), 5,034,439 njerëz janë larguar nga vendi që nga agresioni rus mbi Ukrainën, më 24 shkurt, transmeton albinfo.ch. Shumica – 2.8 milionë – kanë ikur së pari në Poloni.

Sipas UNHCR-së, pothuajse 550,000 njerëz nga Ukraina kanë kaluar gjithashtu kufijtë në Rusi në tetë javët e fundit.