Kosova

Mbi 500 mjekë në Kosovë, të papunë

Qindra profesionistë shëndetësorë janë të regjistruar si të papunë në Odën e Mjekëve të Kosovës.

Oda e Mjekëve e sheh si urgjente intervenimin e institucioneve për të ndryshuar menaxhimin e sistemimit të punëtorëve shëndetësorë sipas nevojës që kanë institucionet.

Shkollimi për të arritur titullin e mjekut është i gjatë. Por, kjo nuk është sfida e vetme e qindra mantelbardhëve, të cilët pas përfundimit të studimeve mbetën pa punë.

 

Kryetari i Odës së Mjekëve, Pleurat Sejdiu, thotë se në këtë organizatë janë të regjistruar 598 mjekë të papunë dhe prej tyre 42 specialistë të fushave të ndryshme. Kjo gjendje, sipas tij, është e papranueshme dhe mungesë menaxhimi.

“P.sh. spitalet rajonale ankohen se nuk kanë gjinekologë, e ne kemi më shumë se 11 të papunë, shumë ambulanta të mbyllura, mjek ka të papunë dhe kur qiten, duhet të kenë stimulime dhe duhet të respektohet edhe kushti i shërbimit në institucionet shëndetësore kur kryhen specializimet”, tha ai./rtk

 

 


LAJME INTERESANTE NGA INTERNETI