Maqedonia
Mbi 8 mijë persona të prekur nga gripi sezonal, shënohet viktima e parë
Një 14-vjeçare ndërron jetë si pasojë e gripit sezonal
Gripi sezonal mori viktimën e parë. Komplikimet e rënda si pasojë e gripit morën jetën e 14-vjeçareje, e cila kishte qenë e hospitalizuar në Klinikën e Fëmijëve në Shkup.
Autoritetet shëndetësore njoftuan se viktima njëkohësisht kishte vuajtur nga encefaloptija kronike – sëmundje, e cila ka të bëjë me çrregullime të mëlçisë, e cila ka ndihmuar që gripi të rrisë rrezikun edhe më shumë te gjendja e saj shëndetësore.
Për momentin në Klinikën e Fëmijëve janë shtruar 17 fëmijë të sëmurë nga gripi, ndërsa raportohet edhe për raste të tjera me komplikime të cilët ndodhen në Klinikën Infektive në Shkup.
Mbrëmë morëm njoftim nga Klinika e Fëmijëve për vdekjen e një fëmije 14-vjeçar, e cila paraprakisht ka pasur komorbiditet.
Ky është rasti i parë që asocion me gripin për këtë sezon. Influenca e gripit është sëmundje e cila tek disa grupe të qytetarëve si tek fëmijët, të moshuarit, të sëmurët kronikë, mund të japë forma të rënda të komplikimeve dhe çdo sezon kemi pasur të tilla. Raste të rënda kemi në Klinikën Infektive dhe në atë të Fëmijëve”, tha Gordana Kuzmanovska, epidemiologe.
Instituti i Shëndetit Publik njoftoi se virusi këtë javë është shpërndarë më shumë te fëmijët e moshave shkollore, nga mosha 5-19-vjeçare. Autoritetet shëndetësore thanë se nëse ky trend vazhdon me ritmin e njëjtë edhe gjatë dy javëve të ardhshme, mund të shqyrtohet mundësia për mbylljen e shkollave. Gjatë javës së shkuar janë regjistruar 3614 raste të reja me grip dhe sëmundje të tjera të ngjashme me gripin që është një rritje prej rreth 28% krahasuar me javën paraprake. Për këtë sezon numri i të prekurve ka shkuar në mbi 10,000.
Vjollca Alit
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor