Media gjermane: Të pabashkuar rreth Ballkanit, Borisov bindi Spanjën rreth Kosovës

Samiti i ardhshëm i Ballkanit do të mbahet në 2020 në Kroaci. E sigurt është: Edhe nëse vendet e Ballkanit Perëndimor nuk vijnë në BE, banorët e këtyre vendeve janë prej kohësh atje, shkruan media gjermane

Bullgaria i ka vendosur vetes detyrën e anëtarësimit të Ballkanit Perëndimor në BE. Kryeministri i saj, Boiko Borisov është takuar të martën mbrëma me kryeministrin spanjol M. Rajoy ku kanë mbetur të kënaqur me marrëveshjen që pritet të dalë pas samitit. Pra ishte përpjeka e Borisovit, që Spanja u pajtua ta mbështesë marrëveshjen, përkundër diferencave që mund të kenë 28 shtetet anëtare, përcjell albinfo.ch. shkrimin e neues-deutschland.de.

Bile kryeministri spanjoll Mariano Rajoy paralajmëroi bojkotin në takim, për shkak të konfliktit të lëvizjeve për pavarësi në Kataloni dhe pjesëmarrjes në samit edhe të Kosovës që Madridi refuzon ta njohë.

Sipas medias gjermane, vendet e Ballkanit Perëndimor përballen me korrupcion të zgjeruar dhe sistem jo efikas të drejtësisë. Kjo ka shtyrë shumë të rinj të rajonit të largohen nga vendi.

“Samiti i ardhshëm i Ballkanit do mbahet në 2020 në Kroaci. E sigurt është: Edhe nëse vendet e Ballkanit Perëndimor nuk vijnë në BE, banorët e këtyre vendeve janë prej kohësh atje,” shkruan në fund media gjermane.