Mehmedi do ta shpëtojë Freiburgun

Memhmedi ka të regjistruar 12 gola në ndeshjet e fundit të edicionit

Sulmuesi shqiptar Admir Mehmedi, është zotuar para tifozëve të Freiburgut, se do të japë maksimumin që të shpëtojë skuadrën nga rënia prej Bundesligës gjermane.

“Unë mundem edhe më mirë”, ka thënë Mehmedi për “Bild”, transmetojnë mediat në Kosovë.

Gazeta gjermane thotë se Mehmedit  ishte më meritori që edicionin e shkuar skuadra mbijetoi në këtë rang të garave.

Memhmedi ka të regjistruar 12 gola në ndeshjet e fundit të edicionit.

Por, këtë edicion, në 18 ndeshje, ai ka shënuar vetëm një gol.

“Kam besim te Mehmedi. Ai duhet të futet në ndeshje dhe të mos presë shumë nga vetja”, ka thënë trajneri Christian Streich.

Futbollisti me origjinë nga Gostivari luan edhe për përfaqësuesen e Zvicrës