Mërgimtarët e Zvicrës dhuruan një autoambulancë në Kamenicë

Bashkatdhetarët që jetojnë në Zvicër vazhdojnë të kontribuojnë në forma të ndryshme, derisa kësaj radhe kanë dhuruar një autoambulancë në Kamenicë

Mërgimtarët të cilët në Zvicër sërish kanë dhënë kontributin e tyre të madh. Ata kësaj radhe kanë dhuruar një autoambulancë QKMF-së në Kamenicë, njofton albinfo.ch.

Kryetari i Kamenicës, Begzad Sinani është shprehur se ky donacion është shumë i çmuar për qytetarët e Kamenicës.

Edhe drejtori i QKMF-së, Dr. Rabit Dërmaku ka thënë se me këtë donacion  kanë përfituar pacientët e komunës së Kamenicës dhe janë krijuar kushte më të mira pune, mundësi më të madhe për transportimin adekuat të pacientëve në spitalet e Gjilanit e Prishtinës.

Kryetari i Kamenicës ka falënderuar bashkatdhetarët tanë në Zvicër për ndihmën e dhënë dhe kontributin e madh. Ai ka falënderuar Shkëlzen Tahirin e Rexhep Dërmakun për donacionin.

Ai ka falënderuar edhe mërgimtarët tjerë si, Shefqet Krasniqi, Mentor Laci, Naim Gacaferri, Ramadan Robelli, Arif Fazlia, Nazim Tahiri, Dibran Tahiri, Xhemail Kreshnike Grabovci dhe Andreas Gamper.