Kosova
Mërgimtarët në Zvicër, në mbështetje të memorialit të Luftës Çlirimtare të Kosovës
Në këtë memorial do të skaliten emrat e të gjithë atyre që ranë për të mos vdekur kurrë në betejat me pushtuesit serbo-sllavë
Kohë më parë Hetem Ajeti, pjesëtar i celulës së parë të UÇK-së, dhe i burgosur politik, ka ndërmarrë një nismë për ngritjen e një pllake përkujtimore në qytezën e Podujevës.
Sipas Ajetit, në këtë memorial do të skaliten emrat e të gjithë atyre që ranë për të mos vdekur kurrë në betejat me pushtuesit serbo-sllavë.
Kësaj iniciative që u kujton brezave në ardhje sakrificën dhe heroizmin e këtyre burrave trima pa kurrfarë hezitimi iu përgjigjën mërgimtarët. (Në vazhdim janë dëshmitë e pagesave, me emrat e kontribuesve).
Përfundon me numrin rendor 17 (shtatëmbëdhjetë) Të realizuara gjithsej: CHF 3’300 ( tremijë e treqind franga zvicerane).
Në mënyrë që të jemi korrektë dhe transparent me kontribuuesit, realizimi i ndihmës u bë me çeqet e Klubit Futbollistik“Iliria“, nga Soloturni i Zvicrës. Një ndihmë e madhe kjo, ngaqë në çdo kohë mund të verifikohet shuma e destinuar për këtë projekt.
Gjithashtu, njoftojmë financuesit që vendosja e emrave në këtë memorial, mbetet përgjegjësi e Këshillit përgatitor, dhe udhëheqësit të tij, z Hetem Ajeti, ideator i kësaj vepre.
Lista me emrat e këtyre bamirësve bëhet publike jo për krekosje e reklamë, por thjesht për çështje parimore dhe ndërgjegjeje.
Të gjithë këta bashkëkombës përgjatë 25 vjetëve e më tepër në mërgim, kanë mbështetur çdo iniciativë, qoftë në Kosovë, Shqipëri, Maqedoni të Veriut dhe Kosovë lindore.
Ata kanë ndihmuar shkolla,shoqata, klube, fonde humanitare, botime librash, dhe individë në vështirësi.
Pas pranimit të ndihmës z.Hetem Ramadan Ajeti, nëpërmjet një postimi në rrjetin social “Facebook” ka falënderuar nga zemra të gjitha ata që ndihmuan këtë projekt, duke u uruar shëndet e begati.
Ai, mërgatën çdoherë e ka cilësuar dhe cilëson si shtyllë mbajtëse të shtetit të Kosovës.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane