Bota
Merkel dhe CDU kërkojnë ashpërsim të Ligjit të Azilit
«Ato çfarë kanë ndodhur në natën e Vitit të Ri janë veprime të ulëta kriminale, të cilat kërkojnë përgjigje të vendosur», ka thënë kancelarja gjermane njëherësh kryetare e CDU-së, Angela Merkel
Partia në koalicionin e madh qeveritar të Gjermanisë, CDU-ja, kërkon që ndaj sulmeve të fundit kriminale mbi femrat në Këln të reagohet përmes ashpërsimit të ligjit të azilit. Afër 400 kallëzime penale janë bërë deri të shtunën vetëm në lidhje me ekseset seksuale dhe të tjera që ndodhën natën e Vitit të Ri në Këln.
Shumica dërmuese e atyre që ushtruan dhunë ose ngacmuan seksualisht vajzat gjermane ishin refugjatë, kryesisht nga vendet arabe, të Afrikës së Veriut.
Lidhur me rastin e rëndë kanë protestuar të shtunën edhe ekstremistët e djathtë, ksenofobë. Por, policia ia ka dalë ta shpërndajë protestën e tyre.
«Ato çfarë kanë ndodhur në natën e Vitit të Ri janë veprime të ulëta kriminale, të cilat kërkojnë përgjigje të vendosur», ka thënë kancelarja gjermane njëherësh kryetare e CDU-së, Angela Merkel të shtunën, pas një mbledhjeje të kreut të partisë, të mbajtur në Mainz. «Prandaj, ndryshimet janë në interes të qytetarëve po aq sa dhe në interes të shumicës së madhe të vet refugjatëve», ka thënë Merkel.
Kancelarja konsideron se CDU-ja do të arrijë një unifikim të shpejtë qëndrimesh me partnerin në qeveri, SPD-në për të bërë ndryshimet e ligjit të azilit.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicër: Dy trena janë bllokuar në tunelin midis dy stacioneve Të mërkurën në mëngjes pati një ndërprerje në trafikun hekurudhor midis Cyrih-Hardbrücke dhe Cyrih-Oerlikon....
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf
-
Thun dëshiron të ulë taksat
-
Tonelata naftë derdhen në liqenin e Zug-ut