Lajme
Mësuesit e Nju-Jorkut protestojnë kundër vaksinimit të detyruar
Një grup mësuesish në qytetin e Nju-Jorkut dhe punonjës të sindikatës së arsimitu mblodhën të mërkurën para zyrës së kryetarit të Këshillit bashkiak për të protestuar kundër vaksinimit të detyruar, i njoftuar këtë javë nga departamentet e shëndetësisë dhe të arsimit të qytetit.
Rreth 148 mijë punonjës shkollash në qytetin e Nju-Jorkut duhet të marrin dozën e parë të vaksinës kundër COVID-19 deri më 27 shtator, ose në të kundërtën rrezikojnë të humbasin vendin e punës.
Rachel Maniscalco dhe disa kolegë të saj thonë se janë të gatshëm të humbasin vendin e punës, ndërsa kundërshtuan rregullin e ri duke protestuar para Kshillit të Bashkisë.
“Nuk besoj se kjo çështje ka të bëjë vetëm me vaksinën. Nuk besoj se ka të bëjë vetëm me shëndetin tonë, është liria mjekësore, kjo ka të bëjë me totalitarizmin. Jemi nisur drejt një zone të rrezikshme. Nëse dorëzohemi, krijojmë një precedent të rrezikshëm për të ardhmen”, tha ajo.
“Do të preferoja të vdisja njeri i lirë”, thotë Carlos Oliveri, mësues shkence që po ashtu refuzon të vaksinohet, ndonëse nënës së tij i kishte sugjeruar imunizimin.
Ai thotë se ndihet sikur njerëzit që po zgjedhin të mos vaksinohen janë duke u diskriminuar.
“Fillon kjo beteja e pafundme se cila vlerë është më e mirë se tjetra dhe tani ndodhemi në një dilemë morale”, tha ai.
Të paktën 63 pë qind e punonjësve të shkollave janë vaksinuar.
Rregullat e reja vijnë pas miratimit të plotë të përdorimit të vaksinës Pfizer, një nga tre vaksinat që ofrohet në ShBA.
Të gjitha ishin miratuar për përdorim emergjent, por zyrtarët shpresojnë se miratimi i plotë do të rrisë besimin e njerëzve ndaj vaksinës.
Për rreth 1 milion nxënës të shkollave publike, klasët fillojnë nga 13 shtatori.
Nju-Jorku, së bashku me disa qytete dhe shtete të tjera, po luftojnë variantin shumë ngjitës Delta duke shtuar presionin për të vaksinuar më shumë njerëz.
Javën që shkoi qyteti i Nju-Jorkut filloi kërkimin e provës së vaksinimit para futjes në restorante, palestra dhe shumë vende tjera publike, një politikë që zbatohet për herë të parë, duke ndjekur shembullin e disa qyteteve të tjera.
Në ndërkohë, shteti i Nju-Jorkut njoftoi javën që shkoi se punonjësit e spitaleve dhe qendrave të kujdesit duhet të vaksinohen.
Vaksinimet e detyruara për mësimdhënësit janë të rralla në SHBA. Deri tani shteti i Uashingtonit ka thënë se mësuesit duhet të vaksinohen, ose mund të shkarkohen./VOA
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Zvicër
-
Rreth 2.5 milionë njerëz morën pension pleqërie AHV në vitin 2023 Në fund të vitit 2023, rreth 2.5 milionë njerëz në Zvicër morën pension pleqërie AHV. Kjo...
-
Kamberi shënon, Zuerichu siguroi kualifikimet në Ligën e Konferencës
-
Medina Jusufi Berisha, punon në profesionin që kishte ëndërruar si fëmijë
-
Aviokompania zvicerane që flet shqip
-
Buxheti i mbrojtjes i propozuar prej 15 miliardë frangash, pritet të dështojë