Futboll

Milot Rashica në hall të madh, “nuk guxon” të shënojë se i nevrikos bastexhinjtë

Milot Rashica ka përjetuar ditë të mrekullueshme në fushën e gjelbër. Si zëvendësues, ai shkëlqeu, por edhe në ekipin kombëtar të Kosovës paraqiti lojë të mirë.

Vetëm se në Aeroportin e Prishtinës ai kaloi një çast të pakëndshëm, shkruajnë mediat gjermane, përcjell Albinfo.ch.

Natyrisht se ai gjithashtu kishte dëgjuar që pas goditjes së lirë kundër Eintrachtit, një bastexhi nga Nordrhein-Westfalen kishte qenë veçanërisht i gëzuar, sepse pas golit të shënuar nga Miloti, ai kishte fituar 250,000 euro, nga basti i tij minimal prej një euro.

Megjithatë, kjo nuk mund të thuhet edhe për një shqiptar që mesfushorin e ëerderit e ka takuar në Prishtinë. “Në aeroportin e Prishtinës, takova një person që me shënimin e golit tim ndaj Frankfurtit, kishte humbur një sasi të hollash”, rrëfen Milot Rashica, duke qeshur.

“Familja ime ishte aty duke pritur për mua, ndërsa personi erdhi drejtpërdrejt tek unë për të ma treguar këtë humbje”. Në fund, zemërimi për humbjen ndoshta nuk ishte edhe aq i madh, informon më tej Albinfo.ch. “Ai qeshi dhe më luti për një foto. Unë mendoj se ai nuk ka humbur shumë para, sepse ai nuk ishte me të vërtetë i nevrikosur”, ka përfunduar Miloti në një shkrim pak më të gjatë të mediave gjermane.