Maqedonia
Ministri Heiko Maas thekson në Shkup mbështetjen për integrimin në BE
Ministri i jashtëm gjerman, Maas vuri në dukje arritjet që ka shënuar Maqedonia e Veriut
Ministri i Jashtëm gjerman, Heiko Maas, shkoi të mërkurën në Shkup për t’u treguar autoriteteve maqedonase se ky vend është shumë i rëndësishëm sikundër dhe procesi i integrimit të rajonit të Ballkanit Perëndimor. Ai la të kuptohej se Gjermania po e shton ndihmën për Maqedoninë e Veriut në këtë drejtim. Zoti Maas tha se Berlini po pret propozimet e Francës lidhur me reformën e metodologjisë së procesit negociues me Bashkimin Evropian, ndërkohë që theksoi nga ana tjetër pakënaqësinë e qeverisë gjermane me vendimin e Këshillit Evropian në takimin e nivelit të lartë në Bruksel për të mos lejuar hapjen e negociatave me Maqedoninë e Veriut dhe Shqipërinë.
Shefi i diplomacisë gjermane tha në Shkup se “mund të llogaritni në mbështetjen e Gjermanisë”. Ai, ndërkohë tha se ka diskutime mbi “non paper”-in e dërguar nga Franca mbi reformat e procesit të zgjerimit të BE-së, por se ende nuk ka një propozim përfundimtar. Heiko Maas duke folur në një konferencë shtypi tha se nuk pret që propozimi të bëjë ndryshime të mëdha për sa i përket integrimit të Maqedonisë së Veriut dhe Shqipërisë.
Ministri i Jashtëm gjerman, Maas, vuri në dukje arritjet që ka shënuar Maqedonia e Veriut, sidomos me ndryshmin e emrit, ndërsa theksoi se vendi i tij dëshiron të merret një vendim për hapjen e bisedimeve me BE-në.
Nga ana tjetër, kolegu i tij maqedonas, Nikolla Dimitrov, tha se më mirë do të ishte që vendi i tij dhe Shqipëria të shkonin së bashku, në paket, drejt integrimit evropian, por në të kundërtën, vlerësimet duhet të bëhen veç e veç për arritjet e secilit shtet aspirues për integrim në BE, duke besuar në këtë mënyrë se vendi i tij ka bërë jo vetëm reforma madhore, por dhe sakrifica për t’iu afruar Bashkimit Evropian. “Më mirë një se asnjë (në BE)”, u shpreh Dimitrov, shkruan Zeri i Amerikes.
Ministri Heiko Maas u prit edhe nga Presidenti i Maqedonisë së Veriut, Stevo Pendarovski dhe nga Kryeministri Zoran Zaev, përcjell Albinfo.ch.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?