CH-Ballkani

Ministri Hoxhaj pritet sot nga homologu i tij zviceran, Burkhalter

Shefi i diplomacisë kosovare do të ketë edhe një takim në Komisionin Parlamentar për Politikë të Jashtme në Zvicër dhe një ligjeratë në Universitetin e Bernës.

Ministri i Punëve të Jashtme i Republikës së Kosovës, Enver Hoxhaj ndodhet nga dje për vizitë zyrtare në Zvicër. Këtu ai do të ketë takim me homologun zviceran të Punëve të Jashtme, Didier Burkhalter.

Në kuadër të kësaj vizite, shefi i diplomacisë kosovare do të ketë edhe një takim në Komisionin Parlamentar për Politikë të Jashtme në Zvicër.

Ministri kosovar do të takohet edhe me ministren e jashtme të Liechtensteinit, Aurelia Frick.

Mysafiri nga Prishtina gjatë kësaj vizite do të mbajë një ligjëratë në Bernë, më 9 nëntor në UniESS, Schanzeneckstrasse 1, 3012 Bern, Raum A003 (EG). Ligjërata është organizuar nga “Institut für Sprachwissenschaft” dhe Ambasada e Kosovës në Bernë.

Në këtë ligjëratë  do të mësoni për procesin e shtet-ndërtimit të Kosovës nga shefi i diplomacisë kosovare, Enver Hoxhaj.

Të gjithë të interesuarit mund të vijnë nga ora 18:15 në Universitetin e Bernës UniESS