Kosova
Ministri i Brendshëm: Të evitohen shkeljet, ndryshe aeroporti s’ka si të funksionojë
Njëra nga shkeljet ka qenë edhe bartja e pakontrolluar e valixheve nga punëtorët e aeroportit.
Për grevën në Aeroportin Ndërkombëtar “Adem Jashari” ka ndërhyrë edhe Ministria e Punëve të Brendshme. Kjo e fundit ka identifikuar 11 shkelje nga ANP-ja, për të cilat është kërkuar intervenim urgjent, në të kundërtën do të pezullohet aktiviteti i aeroportit. Ministri i Brendshëm, Ekrem Mustafa, ka thënë për Express se aeroporti nuk është mbyllur, përcjell albinfo.ch.
“Nuk e kemi mbyllur aeroportin, kjo ka ndodhur për shkaqe të grevës. Ministria e Punëve të Brendshme i ka identifikuar 11 shkelje që i ka bërë menaxhmenti. Nëse të njëjtit nuk i evitojnë shkeljet, nuk ka se si të funksionojë aeroporti. Ne ua kemi tërhequr vërejtjen, menaxhmenti është i obliguar të japë përgjigje, disa nga shkeljet i kanë evituar… Nëse nuk i respektojnë procedurat, nuk mund të funksionojë, sepse nuk guxojmë të rrezikojmë sigurinë ndërkombëtare”, tha Mustafa.
Njëra nga shkeljet ka qenë edhe bartja e pakontrolluar e valixheve nga punëtorët e aeroportit.
Ndërkohë, dy fluturime janë anuluar, të cilat ishin paraparë që sot të fluturojnë nga Aeroporti Ndërkombëtar i Prishtinës. Ato janë realizuar nga Shkupi, mëson Gazeta Express. E gjithë kjo si pasojë e grevës që punëtorët e ANP-së janë duke e mbajtur që tre ditë.
E greva e punëtorëve të Aeroportit Ndërkombëtar “Adem Jashari” në Prishtinë po vazhdon edhe sot, kjo pasi përpjekjet për të dialoguar me menaxhmentin rreth kërkesave të tyre, deri më tash nuk kanë treguar rezultate.
Në dy ditët e mëparshme, greva ka shkaktuar vonesa dhe tollovi në Aeroportin Ndërkombëtar të Prishtinës, duke bërë që shumë fluturime të shtyhen.
Të ngjashme
Të tjera nga Kosova
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?