Kosova
Ministri i Diasporës thotë se Kosova i largoi investitorët me kërkesa burokratike
Ministri kosovar i Diasporës, Dardan Gashi, ka thënë se Kosova është shumë prapa që t’i bindë investitorët seriozë që të vijnë të investojnë këtu.
Ai ka thënë se Kosova ende nuk ka bërë asgjë për t’i lehtësuar procedurat.
Ministri pohon se investitorët e huaj janë larguar për shkak të kërkesave burokratike që ka pasur vendi ndaj tyre.
Për dallim nga Kosova, sipas tij, shtetet fqinjem, si Serbia, kanë ofruar edhe para për vende pune.
Gashi për Ekonomia Online ka thënë se prodhuesit të veturave gjerman “Volkswagenit” i është ofertuar të prodhojë në Kosovë në një tokë pa pagesë, të negociohen taksat dhe të konkurrohet me vendet fqinje, përcjell albinfo.ch.
Oferta për këtë kompani gjermane del të jetë e para e llojit të tillë që ka bërë Qeveria e Kosovës me Ligjin për Investime Strategjike, por ende nuk dihet nëse ajo do të ndodhë.
“Jemi shumë prapa me këto ide që ne i kemi menduar me 10 për qind taksë i kemi kryer të gjitha, mirëpo shtetet fqinje i kanë ofruar jo vetëm ulje taksës, por i kanë ofruar edhe shuma të caktuara për vende të punës, p.sh Serbia ka ofruar deri në 5 mijë euro për punëtor për vend pune si shtet, investitorëve të cilët ne i kemi largu me probleme burokratike”, u shpreh Gashi.
Gashi thotë se investitorët nuk janë larguar qëllimshëm nga Kosova, por ofertat e shteteve të rajonit kanë qenë më të mira.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane