Lajme
Ministri i Jashtëm i Zvicrës, me aeroplan nga Berna në Cyrih. A është ky abuzim?
Fluturimi është bërë vetëm pesë ditë pasi Këshilli Federal vendosi një plan veprimi administrativ për të zvogëluar emetimet e CO2
Ndonëse udhëtimi me tren nga Berna në Cyrih zgjat 60 deri 70 minuta, ministri i Jashtëm, Ignazio Cassis, ka shfrytëzuar aeroplanin për të kaluar këtë distancë. Ky lajm ka bërë xhiron sot në mediat zvicerane, në radhë të parë për një arsye: Fluturimi është bërë vetëm pesë ditë pasi Këshilli Federal vendosi një plan veprimi administrativ për të zvogëluar emetimet e CO2. Rastin e ka bërë publik gazeta zvicerane në gjuhën frënge Le Matin Dimanache dhe e kanë publikuar edhe shumica e mediave në Zvicër.
Sipas vendimit, zyrtarët do të duhet të udhëtojnë me tren në vend se me aeroplan kur koha e udhëtimit është më pak se gjashtë orë, transmeton albinfo.ch. Kjo do të kontribuonte për uljen e emetimit të CO2 nga ana e administratës për 30 për qind deri në vitin 2030.
Në departamentin e tij (Ministrinë e Jashtme), këtë fluturim e arsyetojnë me pretekstin se ministri i Jashtëm kishte një orar të ngjeshur. Ai do të takohej me Komisionerin e BE-së, Johannes Hahn, në Cyrih.
Mirëp, “Le Matin Dimanche” llogarit se vetëm në Bernë udhëtimi me makinë nga qendra deri në aeroport i merr 20 minuta, ndërsa i gjithë udhëtimi me tren për në Cyrih mund të përfundonte brenda një ore dhe maksimalisht 10 minutash (60 deri 70 minuta).
Sipas një deklarate të Departamentit të Jashtëm, Këshilltari Federal Cassis zakonisht merr trenin për udhëtime gjatë ditës. Të mërkurën e kaluar, megjithatë, Cassis ende kishte termine në Bernë para se të shkonte të takohej me Hahn-in në Cyrih, përcjell albinfo.ch. “Bashkëbiseduesi i tij kishte vetëm një hapësirë të vogël kohore të përcaktuar për takim, në Aeroportin e Cyrihut. Në këto rrethana, avioni u zgjodh si mjet i duhur i transportit.
Por pjesë e arsyetimit është edhe fakti se “fluturimet me avionin e Këshillit Federal shërbejnë gjithashtu si mundësi për pilotët e Forcave Ajrore për të arritur numrin e kërkuar të orëve të fluturimit, transmeton albinfo.ch. “Pilotët duhet të kryejnë fluturimet – dhe nëse asnjë anëtar i Këshillit Federal nuk fluturon, në vend të kësaj ata duhet të bëjnë fluturime boshe”.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Ish-presidenti thotë se Zvicra duhet të anëtarësohet në BE Një ish-anëtar i Këshillit Federal thotë se e vetmja mënyrë se si Zvicra do të arrijë...
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë
-
SWISS do të rifillojë fluturimet për në Tel-Aviv të premten