Bota
Ministri Maas: Gjermania ka një problem terrori, quhet ‘terrorizëm i djathtë’
Vrasja e politikanit Walter Lubcke në Gjermani, president i presidiumit të Kaselit, ka ngritur shqetësime të forta në shtetin më të madh të BE-së, për shkak të forcimit të grupimeve të djathta ekstremiste. Janë pikërisht grupet e djathta neo-naziste që dyshohet se qëndrojnë pas vrasjes së Lubcke dhe zyrtarët e Qeverisë federale kërkojnë tolerancë zero ndaj ekstremizmit.
Në një shkrim të publikuar në gazetën ‘Bild’, ministri i Jashtëm gjerman, Heiko Maas thekson se “terrori është terror dhe këtu nuk ka asgjë për t’u relativizuar.”
Duke kërkuar që gjermanët të tregojnë se janë më shumë se radikalët e djathtë apo anisemitët që kërkojnë ndarjen, Maas thotë se Gjermania ka një problem terrori.
“Injorimi mund të jetë vdekjeprurës dhe ne duhet ta quajmë këtë më në fund ashtu siç është, terrorizëm i djathtë”, shkruan Maas në ‘Bild’.
Ministri gjerman kërkon që për të ardhmen e shoqërisë dhe bashkëjetesës, të reagohet që në familje dhe në rrethin shoqëror kundër këtyre fenomeneve.
Edhe ministri i Punëve të Brendshme, Horst Seehofer e ka barazuar ekstremizmin e djathtë në një nivel me terrorizmin islamik, shkruan TCH, përcjell Albinfo.ch.
Walter Lubcke, politikan pro-refugjatëve, u vra në 2 qershor në rezidencën e tij dhe 45 vjeçari i arrestuar për ngjarjen ka lidhje me grupin neo-nazist ‘Combat 18’.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Mërgimtari nga Suhareka vdes në një aksident tragjik në Itali
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën