Lajme
Ministri Maurer provokon me fanellën e kundërshtarëve të masave të koronës
"Maurer thyen kolegjialitetin dhe besueshmërinë e politikës zvicerane për koronën. Kjo e bën më të vështirë luftimin e pandemisë..."
Një fotografi që po qarkullon në mediat sociale tregon ministrin e Financave Ueli Maurer i cili pozon me një bluzë “Freiheitstrychler” Këtë emër e mban një lëvizje që lufton kundër masave të koronës dhe merr pjesë në shumë manifestime kundër këtyre masave, transmeton albinfo.ch.
Fotografia është ngarkuar fillimisht në shërbimin e lajmeve Telegram. Maurer thuhet se e kishte veshur atë në samitin e partive të rrethit SVP të Hinwil, Münchwilen dhe Toggenburg në Wald (ZH), i cili u zhvillua të dielën.
“Freiheitstrychler” është një grup nga Zvicra Qendrore që pretendon mbrojtjen e të drejtave kushtetuese. Sipas tyre këto të drejta po shkelen nga pjesë të politikës dhe pjesë të autoriteteve, thuhet në faqen e tyre të internetit.
I pyetur nga disa media, Departamenti Federal i Financave nuk ka komentuar foton.
Ndërkaq, përfshirja e ministrit Maurer në këtë aferë ka ngjallur reagime të diskutueshme në mediat sociale. Janë të shumta dhe të zëshme kërkesat për dorëheqje të tij, por ka pasur edhe duartrokitje: për Ueli, “e qëndrueshëm”.
Aksioni gjithashtu ka ngjallur reagime edhe në parlamentin nacional, përcjell albinfo.ch. Kreu i grupit parlamentar të PS, Roger Nordmann e komenton këtë veprim kështu: “Këshilltari Federal Maurer thyen kolegjialitetin dhe besueshmërinë e politikës zvicerane për koronën. Kjo e bën më të vështirë luftimin e pandemisë dhe kontribuon që kriza shëndetësore të vazhdojë”, shkruan Tages Anzeiger.
Sidoqoftë, ky veprim i ministrit Maurer është përshëndetur nga shumë bashkëpartiakë të tij, të cilët që nga fillimi dhe në të gjitha nivelet, kanë qenë kundër “teprimeve” në marrjen e masave të pandemisë.
Të ngjashme
Të tjera nga Lajme
E-Diaspora
-
Muharrem Salihu, i gatshëm për deputet në Parlamentin Evropian Kandidati i parë shqiptar nga Italia për eurodeputet, Muharrem Salihu, vizitoi dje komunitetin shqiptar në provincat...
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
-
Aviokompania zvicerane që flet shqip
-
LAPSH e Cyrihut përshëndet përpjekjet për institucionalizimin e mësimit shqip në diasporë
Jeta në Zvicër
-
Medina Jusufi Berisha, punon në profesionin që kishte ëndërruar si fëmijë Medina Jusufi Berisha është stjuardesa më e re në kompaninë ajrore zvicerane CHAIR. Ajo është lindur...
-
Aviokompania zvicerane që flet shqip
-
Buxheti i mbrojtjes i propozuar prej 15 miliardë frangash, pritet të dështojë
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave