Lajme

Mjekja shqiptare e pediatrisë, histori suksesi në SHBA

Mjekja shqiptare një storie suksesi në Shtetet e Bashkuara, në fushën e mjekësisë

Duket se rruga drejt suksesit nuk është asnjëherë e lehtë dhe mund të mos jetë edhe e bukur, por mund të bëhet.

Pa dyshim që Linda Ciu kaloi nëpër shumë sfida, por ajo ia doli të realizojë ëndrrën e saj.  Ajo tani është mjekja shqiptare e pediatrisë që ka zhvilluar karrierën në SHBA, ndërsa më herët ishte doktorante në Universitetin e Tiranës, shkruan albinfo.ch.

Doktoresha Linda Ciu karakterizohet nga inteligjenca dhe eleganca dhe pacientët e saj janë shprehur se ata janë të mahnitur nga stili, profesionalizmi dhe kompetenca e saj dhe kujdesi i ngrohtë, personal që ajo ofron për fëmijët e tyre.

Mjekja shqiptare prej shumë vitesh po zhvillon karrierën e saj në Nju-Jork, SHBA. Angazhimi i saj profesional gjatë këtyre viteve është fokusuar në shërbimin e urgjencës. Edhe pse Ciu nuk vjen nga një familje mjekësh, ajo ka kultivuar të gjitha aftësitë e një mjeke profesioniste, falë përvojës së gjatë në fushën e mjekësisë dhe kualifikimeve të herëpashershme.

Këto karakteristika bëjnë që kolegët dhe pacientët e saj në Shqipëri të vazhdojnë t’i drejtohen asaj, qoftë në zyrën e saj në Shtetet e Bashkuara, gjatë vizitave të saj vjetore në vendlindje, përmes Skype, ose burimeve të tjera virtuale. /Albinfo.ch

 

Fotografia e CIu LInda

 

Fotografia e CIu LInda