Gruaja
Modelistja shqiptare nga Zvicra fiton kontratë në Paris
Vitin e kaluar nuk arriti të realizojë synimin për t’u bërë “Miss Zvicra”, por ëndrra e saj për të pushtuar pistat e modës botërore ende vazhdon. Modelistja shqiptare nga Zvicra, Donika Krasniqi, sapo ka fituar një kontratë ndërkombëtare nga një agjenci e njohur e modës në Paris.
Për Donika Krasniqin viti 2015 nuk kishte si të fillonte më mirë sesa kështu. Ish-kandidatja për “Miss Zvicra 2014” që nga janari i këtij viti ka bërë një kontratë me agjencinë e modës nga Parisi “Jana Hernette Modelscouting”.
Ndonëse 20-vjeçarja nuk arriti të jetë pjesë e finales së “Miss Zvicra 2014”, ajo ka arritur që në atë kohë të bindë agjencinë. “Gjatë pjesëmarrjes së saj në “Miss Zvicra” ajo na ka pëlqyer shumë”, thotë agjentja Charlotte për gazetat zvicerane, transmeton albinfo.ch. “Donika ka një potencial të madh që të bëhet një modeliste komerciale”, shprehet e sigurt agjentja.
Para së gjithash, vajza e cila jeton në Neuchatel e ka një figurë shumë të përshtatshme për reklama të ndryshme. “Ajo është perfekte për fotomodele, për fotografi të revistave, për reklamimin e produkteve të flokëve dhe bukurisë si dhe për veshje të brendshme të femrave”, nënvizon Charlotte.
Prandaj vajza me prejardhje nga Kosova ka paketuar valixhet e saj dhe këto ditë pritet të udhëtojë për në qytetin e dashurisë: “Unë do të rri më shumë se dhjetë ditë në Paris”, shpjegon Donika Krasniqi.
Orari i termineve të saj është shumë i ngjeshur, ku do të bëjë foto sesione të ndryshme. Edhe pse atje do të jenë modeliste të shumta ndërkombëtare, për modelisten Krasniqi konkurrenca nuk paraqet aspak frikë. “Jam shumë e motivuar për ta pushtuar kryeqytetin e modës”, ka thënë Donika, raporton albinfo.ch.
Pas qëndrimit të saj në Paris, Donika do të kthehet sërish në Zvicër për të përfunduar studimet e saj në degën e artit, ndërsa prej verës do të jetë tërësisht e përkushtuar në rrugëtimin e saj për t’u bërë një modeliste e njohur ndërkombëtare.
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
Pritet trafik i rënduar gjatë majit në Zvicër USTRA paralajmëron trafik të rënduar gjatë pushimeve, veçanërisht në autostradat A2 dhe A13, duke ju këshilluar...
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit