Lajme
OECD: Mosha për pensionim në Zvicër duhet të rritet në 67 vjet
Sipas organizatës në fjalë, në rrethanat e plakjes së zviceranëve, gjegjësisht rritjes së moshës mesatare të tyre është “urgjentisht e nevojshme” të veprohet
Zvicra së pari duhet të barazojë moshën për pensionim në mes të grave dhe burrave, ndërsa pastaj, në mënyrë graduale, ta shtyjë pensionimin për të dy gjinitë, në moshën 67-vjeçare. Kështu rekomandon Organizata Evropiane për Bashkëpunim Ekonomik dhe Zhvillim (OECD) në raportin e saj më të ri për vendet anëtare, shkruan sda.ch.
Sipas organizatës në fjalë, në rrethanat e plakjes së zviceranëve, gjegjësisht rritjes së moshës mesatare të tyre është “urgjentisht e nevojshme” që të merren masat e përmendura më lart, përcjell albinfo.ch.
OECD rekomandon që të shmangen faktorët që pengojnë shtyrjen e moshës për pensionim. Sipas saj, kontributet për sigurimin social që duhet t`i paguajnë të punësuarit duhet të ulen te të moshuarit. Po ashtu duhen ulur edhe taksat nga të ardhurat e atyre që mbajnë dy punë.
OECD lavdëron Zvicrën për politikën e saj solide buxhetore dhe për borxhin e ulët, transmeton albinfo.ch. Kjo gjë krijon hapësirë të lirë që mund të shfrytëzohet më tepër te vendosja e taksave.
OECD ndërkaq kërkon nga Zvicra më tepër transparencë mbi ndikimin e investimeve në klimë si dhe kritikon nivelin e ulët të kompetencës për teknologjinë informative në vend.
Sipas OECD-së, bruto produkti nacional për kokë banori në Zvicër është i treti ndër anëtarët e kësaj organizate dhe kështu, ata gëzojnë një mirëqenie të lartë ekonomike.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane