Lajme
Murati merr mbështetjen gjermane për mësimin shqip
Ministri Murati u takua me kryetaren e Parlamentit dhe me ministrin e Integrimit të Landit Nordrhein Vestfalen. Ata mbështetën idenë për mësimin plotësues të shqipes
Përfaqësuesit e landi Nordrhein Vestfalen në Gjermani e kanë mbështetur kërkesën e ministrit kosovar të Diasporës, Valon Murati për mësimin plotësues të gjuhës shqipe në këtë shtet, ndërsa kanë shprehur gatishmëri edhe për bashkëpunim ekonomik, por edhe për binjakëzim komunash me atë kosovare.
Ministri Murati i cili po qëndron për një vizitë zyrtare në Republikën Federale të Gjermanisë, gjatë ditës së sotme është pritur në ndërtesën e Parlamentit të landit më të madh në Gjermani, Nordrein Vestfalen, nga presidentja e Parlamentit të Landit, Carina Godecke si dhe nga ministri i Shtetit për Integrim, Rainer Schmeltzer.
Në këtë takim, në të cilin ishte i pranishëm edhe kryetari i Kuvendit të Republikës së Shqipërisë, Ilir Meta, ministri Murati i njoftoi zyrtarët e lartë të shtetit gjerman për punën e Ministrisë së Diasporës në fushën e tërheqjes së investimeve, për mësimin plotësues, ndihmën që Republika e Kosovës i jep diasporës shqiptare për integrimin sa më të mirë në shtetet pritëse.
Siç thuhet në njoftimin e MeD, ministri kosovar ka falënderuar zyrtarët Godecke dhe Schmeltzer për ndihmën që landi Nordrhein Vestfalen e jep për mësimin në gjuhën shqipe, duke kërkuar që kjo të merret edhe si model i suksesshëm për t’u aplikuar në landet e tjera, ku mësimi i gjuhës shqipe nuk përkrahet në nivel shtetëror.
“Takime si këto të sotmet na ndihmojnë të ndërtojmë raporte që përmes rrjeteve tona të bizneseve, së bashku me autoritetet e Landit, të organizohen forume të përbashkëta ekonomike për ngritjen e kapaciteteve tona si shtet, në zhvillimin e mëtejshëm ekonomik”, tha ministri Murati.
Në anën tjetër, Schmeltzer e njoftoi ministrin Murati për qendrat komunale të integrimit, të cilat merren me çështjet e financimit të projekteve të komuniteteve, ndërsa u shpreh i gatshëm për themelimin e bashkëpunimit dhe prezantimin, si dhe përkrahjen e projekteve për aftësimin profesional në Kosovë.
Po ashtu, edhe kryetarja e Parlamentit e vlerësoi pozitivisht vizitën e ministrit Murati, duke theksuar se bashkëpunimi nuk duhet të ndalet vetëm në nivelin federal apo të Landit, por edhe në projekte të binjakëzimit të qyteteve dhe realizimit të projekteve të përbashkëta.
Gjatë ditës, ministri Murati, bashkë me ministren e Kulturës së Shqipërisë, Mirela Kumbaro, e vizitoi edhe minierën e famshme Zoll Zolverein, e cila është në listën e trashëgimive kulturore botërore, të mbrojtura nga UNESCO.
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale