Lajme
Mynihu forcon masat kundër koronavirusit për shkak të rritjes së numrit
Qyteti i Mynihut po forcon masat e koronavirusit.
Në një përpjekje për të ndaluar përhapjen e koronavirusit, autoritetet në kryeqytetin bavarez kanë vendosur t’i bëjnë të detyrueshme maskat në vende të caktuara publike dhe rrugë në qendër të qytetit.
Kjo u vendos në një takim që përfshinte ekipin e qytetit për menaxhimin e krizave, i cili u takua të hënën në mëngjes.
Rregullorja do të zbatohet nga e enjtja e tutje dhe do të prekë zonat duke përfshirë Marienplatz dhe Viktualienmarkt. Përveç kësaj, rregullat e mëtejshme do të hyjnë në fuqi nga e enjtja: Vetëm pesë persona do të lejohen të takohen në hapësirat publike, tha Kryetari i Bashkisë Dieter Reiter.
Përjashtim bëjnë takimet e dy familjeve, të cilat së bashku përbëjnë më shumë njerëz, ose të afërm të ngushtë. Si një masë e mëtejshme, një kufi maksimal prej 25 personash do të lejohet në hapësirat e brendshme dhe 50 personave për takime jashtë.
Kjo vlen për festat private të tilla si ditëlindjet, dasmat apo edhe funeralet. Ngjarjet e rregullta si teatri ose koncertet nuk preken nga ky kufizim.
“Ne duhet të bëjmë gjithçka që mundemi për të shmangur turmat, dhe kjo vlen veçanërisht për festimet,” tha Reiter.
Të Dielën, shifrat e koronavirusit në Mynih arritën 55.6 raste të reja për 100,000 banorë në një javë. Në Gjermani, masat shtrëngohen në rajone ose qytete kur arrihet pragu i 50 rasteve të reja për 100,000 njerëz në shtatë ditë, shkruan thelocal.de, përcjell albinfo.ch
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?