NATO dislokon trupa shtesë në Kosovë

Komandanti i Komandës së Forcave të Përbashkëta të NATO-s në Napoli, admirali Stuart Munsch, ka vizituar KFOR-in, ku është takuar me komandantin Angelo Michele Ristuccia.

Temë bisede ka qenë dislokimi i 700 trupave shtresë në Kosovë dhe një batalioni tjetër rezervë që është vendosur në gatishmëri të lartë.

“Diskutimet e tyre përfshinin dislokimin e 700 trupave shtesë nga batalioni rezervë i thirrur në Kosovë nga NATO, për të normalizuar situatën dhe për të garantuar sigurinë, si dhe dislokimin e mundshëm të një batalioni tjetër rezervë, që është vendosur në gatishmëri të lartë, në rast se nevojiten trupa shtesë”, njofton në Twitter Komanda e Forcave të Përbashkëta të NATO-s në Napoli.

---