Lajme

Ndeshja Zvicër-Izrael, “në pikëpyetje”

Ngjarjet e fundit mes Izraelit dhe Palestinës ngrenë pasiguri rreth ndeshjes Izrael-Zvicër, e planifikuar për të enjten në këtë vend të Lindjes së Mesme, si pjesë e kualifikimeve për Euro 2024, sipas RTS.

Shoqata Zvicerane e Futbollit (ASF) ka vënë në dukje me shqetësim situatën që mbizotëron në Izrael, përcjell albinfo.ch.

“ASF është në kontakt me UEFA, Fedpol dhe Ambasadën zvicerane në Izrael”, thuhej nga kjo shoqatë.

Ndërkaq, vendimi nëse do të zhvillohet ndeshja i takon UEFA-s. Skuadra zvicerane është planifikuar të takohet të hënën në Cyrih për një nisje të martën.