Kosova
Me ndihmën e bashkatdhetarëve, inaugurohet shtëpia e 47-ë në Gjilan
Është përuruar sot shtëpinë e 47 me radhë për familjen e Veli Aliut, i cili ka jetuar në kushte të rënda ekonomike dhe sociale, e me barrën tjetër të fëmijëve të tij që kanë aftësi të kufizuara në lëvizje
Kryetari i Komunës së Gjilanit, Lutfi Haziri së bashku me donatorët nga Zvicra, Ramadan Ramadani dhe kompaninë “Vëllezrit Aliu”, kanë përuruar sot shtëpinë e 47 me radhë për familjen e Veli Aliut, i cili ka jetuar në kushte të rënda ekonomike dhe sociale, e me barrën tjetër të fëmijëve të tij që kanë aftësi të kufizuara në lëvizje.
Në fjalën e tij kryetari Haziri, ka thënë se aksioni i filluar me gala mbrëmjen humanitare “Pak nga ne, shumë për ata”, nuk është besuar në fillim që do të ketë këtë jehonë, por, tri vjet nga ajo mbrëmje ne sot inaugurojmë shtëpinë e 47 me radhë.
“Kur e kemi filluar aksionin për eliminimin e varfërisë dhe zgjidhjen e problemit të banimit për familjet në nevojë, asnjëherë nuk kemi besuar në jehonën kaq të madhe të saj. Falë shpirtit të madh dhe human që kanë qytetarët e Komunës së Gjilanit, afaristët, kurbetqarët dhe të gjithë të tjerët që kanë kontribuar duke ndarë nga pasuria e tyre për rastet në nevojë, sot e kemi një gjendje krejt tjetër, për çka në emër të gjithë këtyre familjeve i falënderoj donatorët”, ka deklaruar kryetari Haziri.
Familja e Velisë, sipas tij, sot është bërë me shtëpi të re, me standarde moderne dhe me kushte që e ka më të lehtë edhe përkujdesjen për fëmijët e tij, që janë me aftësi të kufizuara në lëvizje.
“Do të vazhdojmë edhe më tutje, sepse kemi edhe pak raste që kanë mbetur dhe duhet të intervenojmë edhe tek ato familje që të gjithë ti gëzohen një jete më të mirë dhe të barabartë me të tjerët”, ka thënë i pari i Gjilanit, Lutfi Haziri.
Kurse donatori nga Zvicra, Ramadan Ramadani dhe Agim Aliu në emër të kompanisë “Vëllezrit Aliu”, kanë thënë se përpos gëzimit që ndjejnë për kushtet që ka kjo familje, ata tani e tutje do të jenë miq të Veliut dhe familjes së tij dhe gjithmonë do ta kenë nën përkujdesje në të gjitha format.
E Veli Aliu, përfitues i shtëpisë me mbi 110 metra katror, ka thënë se kjo është bërë falë angazhimit të kryetarit Haziri, të donatorëve dhe dashamirëve të shumtë që ka Gjilanit. “Unë ndjehem shumë mirë. Sot familja ime dhe fëmijë e mi janë të qetë në aspektin e banimit. Uroj që të gjitha familjet të kenë fatin dhe një ditë të gëzohen sikur unë sot”, ka përfunduar shkurt ai.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse