Lajme

Në dy kantone, maskat bëhen të detyrueshme edhe në dyqane

Në Jura, maska do të jetë e detyrueshme gjatë gjithë kohës ndërsa në Vaud, vetëm kur ka mbi 10 veta në dyqan

Në kantonin e Jura-s, duke filluar nga java e ardhshme, vënia e maskës bëhet e detyrueshme për të gjithë personat kur hyjnë në dyqane, shkruan srf.ch.

Qeveria e kantonit ka marrë këtë vendim sot, e premte, 3 korrik. Arsyeja për këtë është rritja e infeksioneve me koronavirus, e konstatuar së fundi, transmeton albinfo.ch. Qeveria e Kantonit të Jurës ka njoftuar se në dhjetë ditët e kaluara janë regjistruar 20 infeksione të reja.

Maska e detyrueshme hyn në fuqi të hënën dhe fillimisht është e vlefshme për dy muaj, përcjell albinfo.ch. Detyrimi për të vendosur maskë në dyqane vlen edhe për fëmijët nga mosha 12 vjeç.

Edhe në kantonin e Vaudit, bartja e maskës në dyqane  do tëbëhet e detyrueshme, por me një ndryshim: vetëm në rastet kur ka më shumë se 10 persona në dyqan. Masa, e cila hyn në fuqi të mërkurën tjetër, u njoftua të premten nga Këshilli i Shtetit (Qeveria e Kantonit).

Autoritetet federale, të pyetura në konferencën e sotme për media të mbajtur në Bernë, lidhur me vendimet më të reja të dy kantoneve, kanë thënë se në parim është e drejtë e kantoneve për të vepruar në mënyrë autonome.

Deri më tani, detyrimi për mbajtje të maskës është vendosur në nivel vendi por ky detyrim vlen vetëm për transportin publik dhe hyn në fuqi të hënën që vjen, më 6 korrik.

 


LAJME INTERESANTE NGA INTERNETI