Maqedonia
Në Maqedoni, bie blerja e veturave të përdorura
Të dhënat e Drejtorisë së Doganave të Maqedonisë tregojnë se vitin e kaluar në Maqedoni janë importuar 23 mijë vetura të përdorur që është rënie prej 11,2 për qind
Qytetarët e Maqedonisë gjithnjë e më pak blejnë vetura të përdorur. Të dhënat e Drejtorisë së Doganave të Maqedonisë tregojnë se vitin e kaluar në Maqedoni janë importuar 23 mijë vetura të përdorur që është rënie prej 11,2 për qind.
Importuesit e automobilave të përdorur shprehen se jostabiliteti politik ka qenë faktori kryesor që qytetarët të mos vendosin të blejnë automobil. “Tremujori i fundit i vitit 2017 thjeshtë nuk kishte kurrfarë shitje të automjeteve që është e palogjikshme. Ja erdhi tani viti 2018. Çmimet e automjeteve janë rritur në Gjermani, nuk ka kurrfarë logjike për rënie të çmimeve, përveç atij zvogëlimi suçesiv”, thotë Igor Milladinov, pronar i një pike të shitjes së automjeteve të përdorura në Shkup, raporton “Alsat”.
Në fillim të marsit është vendosur ndalesë në Gjermani që të voziten automjete dizel që kanë standard më të vogël se Euro 5, në ditë me ndotje të madhe, përcjell albinfo.ch.
Në opinion u hap debati se këto makina nga Gjermania do të vërshojnë tregun e Maqedonisë, ku pjesa më e madhe e automobilave të përdorur janë me prejardhje gjermane. Milladinov shprehet se kjo nuk është e mundshme.
“Nuk do të ulen çmimet e automjeteve të importuara nga Gjermania për shkak se ato automjete nga Gjermania që janë më të vjetra se Euro 4, Qeveria gjermane i subvencion dhe ato shkojnë në mbeturina, automjetet që janë të vjetra, ato janë me vulë në librezën e qarkullimit dhe nuk mund të shiten në Maqedoni. Nuk ka logjikë që të bien çmimet e automjeteve”, shton Igor Milladinov.
Në Maqedoni në qershor të vitit 2016 hyri në fuqi ndalesa për importimin e automjeteve me standarde Euro 3, por ende është i lejuar importimi me standarde Euro 4 dhe Euro 5, të cilat tani janë të ndaluar në Gjermani. Në vend më së shumti importohen automobila të përdorur nga prodhuesit gjerman, francez dhe italian.
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Zvicër
-
Shtatë gjëra që shtetasit jo-BE duhet t’i dinë rreth zhvendosjes në Zvicër Zvicra ka rregulla strikte për të huajt që mund të jetojnë dhe të punojnë në vend...
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës
-
Katër të vdekur në Alpet zvicerane gjatë fundjavës