Në Parma të Italisë nis shkolla e gjuhës shqipe

Ilustrim

Është bërë e ditur se të dielën, më 3 nëntor, nis shkolla shqipe Scanderbeg Parma për vitin e ri shkollor 2019-2020.

Përfaqësuesi nga shkolla shqipe “Scanderbeg Parma” Itali, Durim Lika, ka shkruar se kanë bërë shumë punë që edhe në këtë qytet të Italisë të hapet një shkollë shqipe.

“Kemi nisur hapat e para 11 vjet më parë. Shumë është bërë e shumë punë akoma kemi për të bërë. Gjithçka është gati për ditën e parë të shkollës, mësuesit, nxënësit, familjet, ALFABETI!”

“Urojmë që ky vit të jetë viti i ndryshimeve të mëdha për komunitetin shqiptar në Parma, të jetë vit që të sjellë paqe e arritje akoma më të mëdha për të gjithë ne”.

Vlen të theksohet se hapja do të bëhet nesër, e diel, më 3 nëntor 2019, ora 10.00. /Albinfo.ch