Maqedonia

Në sa vende mund të udhëtosh me pasaportën e Maqedonisë

Pasaportat më të fuqishme në botë i kanë Japonia dhe Singapori

Qytetarët e Maqedonisë së Veriut mund të vizitojnë pa viza 123 vende të botës, tregon raporti për vitin 2019 i konsultës zvicerane “Henley and partners”.

Pasaporta e Maqedonisë, sipas indeksit të “Henley and partners”, është radhitur në vendin e 46-të në botë, përcjell Telegrafi Maqedoni.

Pasaporta më e fuqishme e vendeve të rajonit është e Greqisë, e cila është vendosur në vendin e gjashtë dhe me të pa viza mund të udhëtohet në 183 shtete.

Me pasaportën e Sllovenisë mund të udhëtohet pa viza në 179 vende, me të Bullgarisë në 168, të Kroacisë 167, të Serbisë 131, të Malit të Zi në 121, të Bosnjë e Hercegovinës në 116, të Shqipërisë në 113, ndërsa me të Turqisë në 110 vende, përcjell albinfo.ch.

Pasaportat më të fuqishme në botë i kanë Japonia dhe Singapori, me të cilat pa viza mund të udhëtohet në 189 vende të botës.