Në Shqipëri diskutohet e drejta e votimit të mërgimtarëve

Keystone (AP Photo/Visar Kryeziu)

Në zgjedhjet e Shqipërisë e drejta e shtetasve shqiptarë me banim jashtë vendit për të votuar është sot në qendër të diskutimeve të Konferencës Kombëtare e Nivelit të Lartë, me temën “Votimet nga jashtë, koha është tani!”, organizuar nga Komisioni Qendror i Zgjedhjeve dhe prezenca e OSBE-së në Shqipëri.

Theksohet se konferenca shërben si një platformë diskutimi, ku do të bashkohen përfaqësues të Kuvendit, partive kryesore politike, institucioneve shtetërore, diasporës, partnerëve ndërkombëtarë, si dhe ekspertëve dhe aktorëve të shoqërisë civile, për të diskutuar mbi çështje që lidhen me krijimin e kushteve dhe zbatimin e masave, për të mundësuar votimin jashtë vendit në zgjedhjet e ardhshme parlamentare, në përputhje me përcaktimet e Kodit Zgjedhor.

LAJME INTERESANTE NGA INTERNETI