Shqipëria
Në Shqipëri nis nesër viti i ri shkollor
Rreth 29 mijë fëmijë ulen për herë të parë në bankat e shkollës këtë vit për të mësuar me abetaren e re mbarëkombëtare në Shqipëri.
Të hënën e 12 shtatorit rreth 435 mijë nxënës në arsimin parauniversitar në Shqipëri i rikthehen mësimit normalisht.
Rreth 29 mijë fëmijë ulen për herë të parë në bankat e shkollës këtë vit për të mësuar me abetaren e re mbarëkombëtare në Shqipëri.
Ministrja e Arsimit në Shqipëri, Evis Kushi, i uroi përmes një videomesazhi të shpërndarë në rrjetet sociale, përcjell Albinfo.ch.
Pas dy vjetësh të vështira pandemie, ky vit do të nisë pa masat anti-Covid, por jo pa disa prej problemeve të vjetra që kanë shoqëruar arsimin në vend ndër vite.
Në Tiranë, ku pritet të nisin vitin e ri shkollor rreth 110 mijë nxënës, mësimi do të zhvillohet sërish me turne, të paktën në 22 shkolla.
Me hapjen e 12 shkollave të reja në kryeqytet ulet ngarkesa në klasa, por nuk eliminohet mësimi deri në orët e vona të pasdites. Por këtë vit do të këtë dhe risi. Në videomesazhin e shpërndarë nga ministrja e Arsimit tregohen disa prej tyre.
Mësuesit ndihmës, detyrat e shtëpisë dhe teknologjia e informacionit në klasë të parë, do të jenë disa nga të rejat.
Sistemit arsimor do t’i shtohen 253 punonjës psikosocialë dhe 70 oficerë sigurie. Përveç shkollave 9- vjeçare, këta të fundit do të jenë të pranishëm dhe në gjimnazet me numër të lartë nxënësish.
Tekstet shkollore, ashtu si dhe vitet e shkuara janë shpërndarë falas për nxënësit nga klasa e parë deri në të nëntën. Megjithëkëtë, shumë prindër i kanë refuzuar librat e vjetra dhe kanë vendosur t’i blejnë të rejat. Tekste të reja pa i paguar kanë marrë vetëm nxënësit e klasave të para dhe të pesta./Albinfo.ch
Të tjera nga Shqipëria
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim