Lajme
Në Varshavë të Polonisë u kremtua 12-vjetori i Pavarësisë së Kosovës
Diaspora shqiptare në Varshavë të Polonisë ka organizuar një manifestim me rastin e 12-vjetorit të Pavarësisë së Kosovës.
Manifestimi u organizua nga shoqata Poloni-Kosovë “KosPol”, si organizata e vetme e shqiptarëve në Poloni, transmeton albinfo.ch.
Festa e Pavarësisë u organizua në një ambient të ngrohtë e miqësor, në “Klubokawiarnia Poźyteczna”, ku kryesisht janë të punësuar persona me aftësi të veçanta, por që kanë vullnet të kontribuojnë në shoqëri.
Kryesuesi i shoqatës, Haxhi Dulla, pasi i përshëndeti të pranishmit, bëri një përkujtim të shkurtër të 17 Shkurtit 2008, si dhe foli për rrjedhat e përditshme në Kosovë, me theks të veçantë për të arriturat kulturore, por edhe ato politike e shoqërore.
Pastaj për të pranishmit, disa nga anëtarët e shoqatës, me projektet e tyre multimediale, prezantuan Kosovën, të arriturat e saj dhe sfidat, me të cilat ballafaqohet shteti më i ri në Evropë.
Të pranishëm në këtë ngjarje ishin Aneta Skarzyński, artiste e operës, piktore e poete; Jarosław Rosochacki, konsull nderi i Republikës së Shqipërisë në Poloni; Czesław Skarzyński, kryetar i fondacionit “Polonia Union”; Emina Ragipoviç, nga fondacioni “Kultury bez barier”, njëherësh përfaqësuese e komunitetit boshnjak në Poloni; Walentyna Rakiel-Czarnecka nga fondacioni “Dobre Źycie”, Beata Ewa Barnicka nga Centrum Edukacji “Nasze serduszko”.
Ministria e Punëve të Jashtme dhe e Diasporës i përkrah shoqatat dhe organizimet e tilla që me veprimtarinë dhe aktivitetet e tyre mbajnë gjallë kulturën, gjuhën dhe traditën shqiptare.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Gjenevë: Vjedhjet e biçikletave – zgjidhen rrallë Vjedhjet e biçikletave në Gjenevë janë në rritje dhe shumë rrallë zgjidhen. Me më shumë biçikleta...
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’
-
Netflix në Zvicër, me kosto të lartë
-
Zvicër: Veçanërisht të moshuarit kanë votuar për pensionin e 13-të