Më 2022 do të rritet dyfish shitja e vaksinave

BioNTech/Pfizer parashikohet të arrijnë një vlerë prej 54.5 miliardë dollarësh në shitjen e vaksinave Covid-19

Kompanitë BioNTech/Pfizer dhe Moderna do të mbizotërojnë tregun e vaksinave Covid-19 vitin e ardhshëm, duke arritur një shumë prej 93.2 miliardë dollarësh në shitjet bruto të vaksinave, gati sa dyfishi i sasisë në vitin 2021, sipas parashikimeve të reja.

Parashikimet nga Airfinity, një agjenci analitike, tregojnë se dy prodhuesit e vaksinave me ARN, do të mbizotërojnë tre të katërtat e tregut të vaksinave në vitin 2022 (duke mos përfshirë tregun kinez).

Rivalët AstraZeneca, Johnson & Johnson, Sputnik V i Rusisë dhe të tjerë si Novavax, përbëjnë pjesën tjetër të tregut, i cili parashikohet të dyfishohet në vlerë, duke arritur deri në 124 miliardë dollarë një vit më vonë.

BioNTech/Pfizer parashikohet të arrijnë një vlerë prej 54.5 miliardë dollarësh në shitjen e vaksinave Covid-19, ndërsa kompania Moderna 38.7 miliardë dollarë, një shifër shumë më e lartë sesa parashikimet fillestare prej përkatësisht 23.6 miliardë dollarësh dhe 20 miliardë dollarësh, shkruan Monitor, transmeton albinfo.ch.

Shumica e analistëve pajtohen se Pfizer në veçanti ka mbizotëruar garën e vaksinave Covid-19 dhe ka shumë të ngjarë ta forcojë edhe më tepër këtë pozicion, në muajt e ardhshëm.

Institucioni financiar parashikon se BioNTech/Pfizer do të gjenerojë 39.5 miliardë dollarë në shitjen bruto të vaksinave këtë vit, megjithatë shitjet bruto pritet të bien në 9 miliardë dollarë në vitin 2022, për shkak të uljes së kostove, uljes së kërkesës në kombet e pasura dhe shtimit të numrit të konkurrentëve.

---