Nënshkruhet kontrata për pasaportat biometrike

Kontrata ka vlerë prej 14,127,003.24 euro. Pas katër muajve pritet të arrijë kontingjenti i parë me pasaporta biometrike.

Ministria e Punëve të Brendshme ka nënshrkuar sot një kontratë për prodhimin e pasaportave biometrike me kompaninë austriake, OESD.

Nga të gjithë ofertuesit ekonomikë që kanë aplikuar për këtë tender, fitues është shpallur kompania OESD, që i ka plotësuar të gjitha kushtet dhe kriteret e përcaktuara në tender, thuhet në komunikatën për shtyp të MPB-së.

Pas nënshkrimit të kontratës, me vlerë 14,127,003.24 euro, brenda një muaji do të vendoset　për dizajnin e pasaportave biometrike dhe masat e sigurisë, ndërsa pas katër muajve pritet të arrijë kontingjenti i parë me pasaporta biometrike.

Ministria e Punëve të Brendshme ka paraparë, që brenda 3 viteve të prodhohen më tepër se 1 milion e 300 mijë pasaporta biometrike, që do të jenë të mjaftueshme dhe të gjithë qytetarët e Republikës së Kosovës do të pajisen me pasaporta biometrike, përfundon komunikata.