Kosova
Nëse ndaleni për foto në autostradën “Arbën Xhaferi”, mund të gjobiteni
Autostrada “Arbën Xhaferi”, pos për qarkullim, po shërben edhe si ‘atraksion turistik’. Shoferë e udhëtarë që kalojnë nëpër këtë urë, shpesh ndalen e bëjnë fotografi, gjë që po konsiderohet e rrezikshme, përcjell albinfo.ch.
Siç njofton policia, disa pjesëmarrës në trafik në autostradën ‘Arbër Xhaferi’, konkretisht në urën mbi lumin Lepenc, për kuriozitet dhe për shkak të bukurive që ofron kjo urë ndalojnë me automjetet e tyre në shiritat emergjentë dhe zbresin nga automjetet, ku në shumë raste bëjnë edhe fotografime të ndryshme. Ky veprim është bërë edhe në grupe, me çka konsiderohet se është rrezikuar siguria e tyre dhe e pjesëmarrësve të tjerë në trafik.
Andaj, Policia e Kosovës ka marrë disa masa me qëllim të parandalimit të aksidenteve në autostradën ‘Arbër Xhaferi’.
“Policia me qëllim të shtimit të sigurisë në autostradë, gjatë tri javëve të shkuara ka shqiptuar gjithsej 33 tiketa në këtë lokacion: 28 tiketa ndaj shoferëve për ndalje në autostradë dhe pesë tiketa për lëvizjen e këmbësorëve në autostradë”, thuhet në njoftim.
Po ashtu, Policia e Kosovës ka edhe një apel për udhëtarët.
“Policia e Kosovës apelon dhe kërkon nga qytetarët në përgjithësi dhe drejtuesit e automjeteve në veçanti, që të respektojnë rregullat e trafikut rrugor, me theks të veçantë të mos bëjnë shkelje të rregullave të qarkullimit në autostradë, sepse po rrezikojnë jetën e tyre dhe të tjerëve. Policia do të ndëshkojë të gjithë ata që bëjnë shkelje të tilla”, thuhet në njoftim.
Të ngjashme
Të tjera nga Kosova
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën