Lajme

Gjermani: Nga 7 qershori, mund të vaksinohen fëmijët e moshës 12 vjeç e lart

Masa u njoftua nga kancelarja gjermane, Angela Merkel (CDU), në Berlin të enjten, pas konsultimeve me 16 qeveritë e republikave ë vendit

E premte, 28 Maj 2021 - 17:00 albinfo.ch

(KEYSTONE/Alexandra Wey)

Duke filluar nga 7 qershori, fëmijët e moshës 12 vjeç dhe më të moshuar në Gjermani, do të kenë mundësinë të marrin një vaksinë. Për këtë drejtuesit federalë dhe ata të republikave (landeve) kanë vendosur në një samit vaksinimi të enjten, transmeton albinfo.ch.

Masa u njoftua nga kancelarja gjermane, Angela Merkel (CDU), në Berlin të enjten, pas konsultimeve me 16 qeveritë e republikave ë vendit.

Ajo përkon me miratimin e pritur të vaksinës BioNtech/Pfizer për moshat 12-15 vjeç nga Agjencia Evropiane e Barnave (EMA) të premten.

Fëmijët e kësaj grupmoshe do të jenë në gjendje të marrin një dozë vaksine si nga mjekët e përgjithshëm, ashtu edhe nga qendrat e vaksinimit.