Kosova
Nga nesër pritet borë në Kosovë
Një front i ftohtë, që po afrohet nga veriu i kontinentit do të kalojë ditën e nesërme mbi vendin tonë
Një front i ftohtë, që po afrohet nga veriu i kontinentit do të kalojë ditën e nesërme mbi vendin tonë, paralajmëron Prishtina Weather.
Shërbimi i meteorologjisë parashikon se në mëngjes do të mbajë mot i butë me reshje shiu, e me kalimin e frontit temperaturat do të pësojnë rënie të theksuar, e në vise malore mbi 1500m priten edhe reshje bore.
“Ditën e diel, pas ngricave në mëngjes, ditën kryesisht me diell. Ditën e martë, sërish një front i ftohtë nga veriu do të depërtojë mbi vend, që do të sjellë masa më të ftohta ajrore, e priten reshje bore edhe në vise të ulëta”, bën të ditur PW.
Sipas Prishtina Weather, ditën e shtunë vlerat e cilësisë së ajrit do të luhaten përreth vlerave të mira dhe mesatare, e nga dita e diel meqë nuk pritet qarkullim i mjaftueshëm ajror, do të rriten edhe në të pashëndetshme.
Parashikimi për datat 30 nëntor – 4 dhjetor:
30.11 – Në mëngjes vranët dhe me shi. Ditën kryesisht me vranësira, reshje lokale shiu, me mundësi edhe për bubullima. Në vise malore mbi 1500m reshje bore. Pasdite reshjet pritet të pushojnë. Në mbrëmje kthjellime dhe ftohtë.
1.12 – Në mëngjes ftohtë dhe me ngrica. Ditën kryesisht me diell.
2.12 – Në mëngjes pjesërisht vranët. Më pas gjatë ditës vranësirat do të shtohen.
3.12-4.12 – Të martën ftohtë, në mëngjes reshje shiu dhe bore, që gjatë ditës do të shndërrohen në reshje bore. Deri në mbrëmje reshjet pushojnë. Ditën e mërkurë, ftohtë dhe kryesisht me diell. Në mëngjes ngrica.
Temperaturat e ajrit gradualisht do të pësojnë rënie përreth vlerave mesatare për këtë periudhë kohore. Minimalet do të zbresin nga 5C, ditën e nesërme, në -2C ditën e diel, e maksimale nga 8C, në 3C deri 4C ditën e martë dhe mërkurë.
Do të fryjë erë e lehtë dhe mesatare 1-10m/s, drejtimesh të ndryshme.
Shtypja atmosferike gradualisht do të rritet mbi vlera normale.
Të ngjashme
Të tjera nga Kosova
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Pagat zvicerane rriten por rritja u ngadalësua nga inflacioni Ndërsa pagat në Zvicër u rritën vitin e kaluar, përfitimet u anuluan përsëri nga rritja e...
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta