Gruaja
Studentet zvicerane realizojnë një film dokumentar mbi të drejtat e grave në Kosovë
Me një film mbresëlënës dokumentar, dy studente nga Cyrihu vejnë në spikamë të drejtat e mangëta të grave në Kosovë. Në bisedë me albinfo.ch, ato shpjegojnë motivet e tyre.
Nëse unë ngacmohem seksualisht nga profesori im dhe e njoftoj atë, a do të më pyeste ajo se çfarë kam pasur të veshur?”, pyet Adelina Tershana në dokumentarin e shkurtër. Në këtë mënyrë ajo i referohet deklaratës së rektores së Universitetit të Prishtinës, e cila konsideronte se studentet që vishen lirshëm, janë vetë fajtore nëse ngacmohen.
Adelina është njëra ndër tri kosovaret, të cilat e ngrejnë zërin në dokumentarin e shkurtër të studenteve të Cyrihut, Arzije Asani dhe Céline Stettler.
“Kosova është një vend që ndodhet në tranzicion. Në mënyrë të veçantë është rinia ajo që del në rrugë për të shprehur shqetësimet e veta përmes demonstrimeve. Është duke ndodhur një tranzicion dhe një rishikim. Kjo qasje na ka interesuar veçanërisht për sa u përket të drejtave të gruas”, thonë dy studentet e Shkollës së Lartë të Arteve të Cyrihut.
Ato nuk kanë pasur mbështetje financiare. Iniciativën për projektin e tyre të pavarur ato e kanë marrë vetë. “Fakti se unë jam me prejardhje nga Kosova, ishte një motiv shtesë për vendimin për ta xhiruar dokumentarin në Prishtinë”, tregon Arzija. “Ne ishim më afër grave sepse nuk kishim barriera gjuhësore dhe kishim tashmë njohuri paraprake mbi sfondin kulturor”.
Me këtë projekt ato kanë dashur t`u ofrojnë aktivisteve të të drejtave të njeriut një medium, përmes të cilit mund t`i përhapin shqetësimet e tyre dhe me këtë të prekin nervin e kohës. Vetëm para një muaji një grua nga rrethina e Gjakovës është vrarë nga burri i saj i dhunshëm, pasi që disa herë kishte kërkuar ndihmë nga policia. Ndihma nuk i erdhi. Gruaja vdiq.
Aktualisht, thirrjet për ndihmë të shumë grave ende hasin në veshë të shurdhër. Por jo edhe shumë gjatë. Sepse thirrjet e aktivisteve për të drejtat e grave po bëhen gjithnjë më të zëshme. Kultura e heshtjes duhet të ketë një fund.
“Si mund të mos e ngre zërin tim”, thotë Adelina në video. “Unë do të bërtas derisa të plasin veshët tuaj”.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea Një komitet i Këshillit Kombëtar miratoi një mocion të premten duke kërkuar që Zvicra të nënshkruajë...
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale