Shqipëria
Ngjarja tragjike në Tiranë, autori sapo ishte kthyer nga Suedia
Ai ishte ndarë me bashkëshorten, Nevila Mata dhe për këtë fajësonte prindërit e saj
Majlind L. 42 vjeç me origjinë nga Burreli ka vrarë me armë zjarri vjehrrin dhe vjehrrën e tij që banonin në një shtëpi private tek Unaza e Re (Astir) në Tiranë. Krimi i rëndë ka ndodhur mëngjesin e së hënës rreth orës 06:00.
Viktima kanë mbetur Bujar Mata, 63-vjeçar dhe Valentina Mata, 52-vjeçare. I vdekur ka mbetur dhe vetë autori i krimit, i cili qëlloi veten, shkruajnë mediat shqiptare.
Nga të dhënat e deritanishme mësohet se autori i krimit të rëndë kishte pak ditë që ishte kthyer nga Suedia, përcjell albinfo.ch.
Ai ishte ndarë me bashkëshorten, Nevila Mata dhe për këtë fajësonte prindërit e saj. Ndërsa Nevila ndodhet në azil në Suedi, Majlindi, i porsakthyer në Shqipëri, është hakmarrë ndaj saj, duke i vrarë nënën dhe babën.
Gjatë shikimit paraprak të vendit të ngjarjes, policia ka gjetur tri gëzhoja. Bujar Mata u gjet i vrarë në dhomën e ndenjes, ndërsa bashkëshortja e tij u gjet në korridorin e shtëpisë në përpjekje për t’iu larguar vrasësit.
Pas vrasjes së ish-vjehrrit dhe ish-vjehrrës së tij, mësohet se Majlind L. ka goditur veten me thikë dhe më pas është hedhur mbi kangjella nga kati i dytë i banesës.
Shkaqet e ngjarjes janë ende të pazbardhura plotësisht, por nga informacionet paraprake thuhet se konflikti mes autorit dhe ish-gruas së tij, Nevila Mata, kishin lindur për një apartament të konfiskuar.
Kjo i kishte detyruar ata të largohen jashtë vendit. Prej tre muajsh çifti jetonte në Suedi, ndërsa para dy ditësh autori Majlind L. ishte kthyer në Shqipëri.
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike