Britanikut i shpërthen fishekzjarri në fytyrë dhe vdes

Viktimë nga fishekzjarret

Është bërë e ditur se një burrë britanik u vra natën e Vitit të Ri në Tajlandë, pasi një fishekzjarr shpërtheu në fytyrën e tij.

Sipas informacioneve, Gary McLaren, 50-vjeç, vdiq ndërsa festoi me të fejuarën e tij dhe miqtë në vendpushimin e ahengjeve në Pattaya, Tajlandën lindore.

Thuhet se McLaren u përpoq të ndizte një tub kartoni 50 cm të mbushur me fishekzjarrë.

Po ashtu, dëshmitarët thanë se përpjekjet e tij fillestare për të ndezur fishekzjarrët dështuan, por ai arriti në një përpjekje të dytë, duke bërë që tymi të derdhej nga tubi. Fishekzjarrët pastaj shpërthyen në fytyrën e tij, duke e lënë të vdekur në vend.

Kujtojmë se McLaren studioi në Kolegjin Tresham, afër Kettering, përpara se të transferohej në Tajlandë. Kapiteni i policisë Nakhonrat Nontseelard tha se Ambasada britanike në Bangkok është informuar për vdekjen e McLaren, i cili është dërguar në spital për obduksion pas vdekjes, përcjell albinfo.ch.

---