Zhvillim
Ngjyrat nga Kosova eksportohen në Gjermani
Kompania “Relux” merret me prodhimin e ngjitësit dhe rrafshuesit të stiroporit, ngjyrës së brendshme dhe të jashtme të fasadave
Kosova nuk do të marrë vetëm prodhime nga Gjermania, por tashmë edhe do të eksportojë, raporton albinfo.ch.
Ministri i Financave të Kosovës, Avdullah Hoti dhe kryetari i Odës Ekonomike të Kosovës, Safet Gërxhaliu kanë marrë pjesë në ceremoninë me rastin e fillimit të eksportit të ngjyrave në Gjermani nga kompania vendore “Relux”.
“Mendoj që kjo është shenja më e mirë që bizneset tona po i plotësojnë standardet ndërkombëtare të cilësisë së mallrave për t’i eksportuar në vendet e BE-së. Ne jemi munduar që dy vjet që t’i ndërmarrim disa politika fiskale bashkë me Odën Ekonomike të Kosovës, në fakt shumica e propozimeve kanë qenë nga OEK-u dhe po më vjen shumë mirë që tash po e shohim efektin final të këtyre politikave”, ka thënë ministri Hoti.
Safet Gërxhaliu ka theksuar se kompanitë si “Relux” janë dëshmi më e fortë se sektori privat është vënë në binarë dhe se nuk ka kthim mbrapa. “Është një ditë e një rëndësie të veçantë. Një ditë që promovohet fuqia e sektorit privat, promovohet standardi i prodhimeve “Made in Kosova”, por mbi të gjitha promovohet një frymë e re e dialogut publiko privat ku do të thotë të gjithë jemi pjesë e procesit. Është koha ku Kosova t’i ketë laboratorët e vet”, është shprehur Gërxhaliu.
Pronari i kompanisë “Relux”, Ramiz Gashi, ka deklaruar se kjo është një dëshmi se edhe në Kosovë ka produkte me standarde të larta të cilat nuk ka nevojë të importohen. “Kjo është hera e parë që po bëjmë një eksport për shtetin e Gjermanisë, kemi bërë marrëveshje me një firmë gjermane për dhjetë vitet e ardhshme, që do ta mbulojmë tregun gjermano-austriak me ngjyrat tona. Dita-ditës jemi duke e mbuluar edhe tregun e Kosovës”, shtoi pronari i kompanisë “Relux”.
Kompania “Relux” merret me prodhimin e ngjitësit dhe rrafshuesit të stiroporit, ngjyrës së brendshme dhe të jashtme të fasadave.
LAJME INTERESANTE NGA INTERNETI
Të tjera nga Zhvillim
E-Diaspora
-
Kurti: Po punojmë për mësimin e gjuhës shqipe në diasporë Kryeministri i Kosovës, Albin Kurti, ka deklaruar se edhe këtë vit, Qeveria e Kosovës ka marrë...
-
Alba Festivali 2022 u përmbyll me shumë sukses, mirupafshim vitin tjetër!
-
Politikanët debatojnë mbi festivalin, në margjinat e Alba Festivalit
-
Itali: Humb jetën 37-vjeçari shqiptar
-
Jehon kënga dhe vallja shqiptare në sheshin e qytetit Villach, në Austri
Jeta në Zvicër
-
Zelensky nga Ukraina në Lugano të Zvicrës, kërkon rindërtimin e Ukrainës Presidenti ukrainas, Volodimir Zelenski deklaroi se rindërtimi i Ukrainës pas luftës është një detyrë e përbashkët...
-
Alba Festivali 2022 u përmbyll me shumë sukses, mirupafshim vitin tjetër!
-
Zvicër, trenave me dy kate u mungon besueshmëria dhe komoditeti
-
Politikanët debatojnë mbi festivalin, në margjinat e Alba Festivalit
-
Hakerët rusë sulmuan Ministrinë e Jashtme të Zvicrës