Lajme

Nisma bamirëse ‘Sharing Saturday’, në Gjenevë dhe në Lozanë

Nisma bamirëse do të mbahet në Gjenevë dhe Lozanë më 5 qershor

Nisma bamirëse, e cila inkurajon klientët e supermarketeve për të blerë dhe dhuruar ushqim për të varfërit, do të mbahet në Gjenevë dhe Lozanë më 5 qershor, transmeton albinfo.ch.

Qëllimi i këtij veprimi është mbledhja e mallrave thelbësore për përfitimet e njerëzve që jetojnë në rrethana të pasigurta financiare.

Në hyrje të supermarketeve pjesëmarrëse, vullnetarët ofrojnë çanta për klientët, për t’u mbushur me ushqime dhe elemente higjienike që nuk prishen.

Të gjitha mallrat e mbledhura do të shpërndahen falas në shoqatat lokale dhe shërbimet sociale bazuar në nevojat e tyre.

Organizatorët e veprimtarisë po mbështeten “në solidaritetin dhe bujarinë e të gjithë qytetarëve”, thanë organizatorët.