Futboll

Nota e Rashicës pas golit të parë

Është interesant fakti se ai në fillim nuk u parashikuar si titullar, por më pas trajneri i Werderit ndërroi mendje, sepse Philipp Bargfrede u lëndua dhe Rashica luajti nga fillimi

Milot Rashica ka gjetur golin e parë në Bundesliga, derisa ka marrë një notë mjaft të mirë, shkruan albinfo.ch.

Werder Bremen mundi Kolnin me rezultat 3:1, ku Rashica e shënoi golin e dytë, duke u gjendur përballë portierit kundërshtar dhe nuk gaboi për 2:1.

Është interesant fakti se ai në fillim nuk u parashikuar si titullar, por më pas trajneri i Werderit ndërroi mendje, sepse Philipp Bargfrede u lëndua dhe Rashica luajti nga fillimi. Ky ishte një vendim i qëlluar.

Rashica është vlerësuar me notën 7.5 apo ishte nota e dytë më e lartë te Werder Bremen, pas Zlatko Junuzoviq, i cili u notua me 8.4.

Goli i parë i Rashicës pritet t’i ndihmojë shumë, pasi në takimet e fundit nuk ishte titullar.

“Çfarë ndeshje!! Akoma i elektrizuar. Stadium i mrekullueshëm, atmosferë e pabesueshme e fansave të Werderit, që na shtynë prej minutës së parë. Krenar që shënova golin e parë për këtë ekip të madh në ndeshjen time të parë në Weser-Stadium. Faleminderit të gjithëve”, ka shkruar ai në Facebook.

https://www.youtube.com/watch?v=s-66m7urqlc&app=desktop