Tematike
Nuk mund të dëbohet për shkak të pandemisë, lirohet nga burgu
Meqenëse dëbimi në kohë të arsyeshme nuk është më realist për shkak të pandemisë, bie poshtë arsyeja e mbajtjes së tij të mëtejme në burg
Një person nga Maroku ose Algjeria (prejardhja e paqartë) duhet të lirohet nga paraburgimi ku ishte vendosur para dëbimit të pritshëm. Kjo po ndodh sepse dëbimi i tij është i pamundur në një të ardhme të parashikueshme për shkak të pandemisë së koronavirusit. Këtë vendim lirues e ka marrë Gjykata Federale e Zvicrës, e cila është shkalla më e lartë e gjyqësisë në vend, shkruan SDA .
I gjykuari kishte bërë kërkesë për azil në Zvicër në nëntor të vitit 2018. Kërkesa i ishte refuzuar nga Sekretariati Shtetëror për Migracionin (SEM), transmeton albinfo.ch. Autoritetet zvicerane deri më tani nuk kanë qenë në gjendje të përcaktojnë në mënyrë të sigurt identitetin e personit.
Pasi kishte vuajtur dënimin me 34 muaj burg për vjedhje në përbërje bandash dhe vepra të tjera, ai ishte marrë në paraburgim në tetor të vitit 2019. Përveç dënimit me burg, Gjykata e Qarkut e Cyrihut i kishte shqiptuar atij një urdhër dëbimi nga Zvicra për nëntë vjet.
Për shkak se hetimet për origjinën e të dënuarit kishin vazhduar, paraburgimi për dëbim ishte zgjatur. Kjo pastaj u pasua nga situata e jashtëzakonshme për shkak të pandemisë së koronavirusit, që po vazhdon.
Meqenëse dëbimi në kohë të arsyeshme nuk është më realist për shkak të pandemisë, bie poshtë arsyeja e mbajtjes së tij të mëtejme në burg. Në këtë përfundim ka ardhur Gjykata Federale, sipas një gjykimi të publikuar të martën.
Kur, në fund të marsit atij i qe zgjatur mbajtja në paraburgim, në pritje të dëbimit, ende nuk dihej se kur do të kishte përsëri fluturime për në Marok apo Algjeri, përcjell albinfo.ch. Vendimi i gjykatës për masa të detyrueshme në Cyrih u mor kështu pa pasur ndonjë perspektivë për dëbim të shpejtë. Në atë kohë, ai kishte qenë në paraburgim për tashmë shtatë muaj.
Paraburgimi në pritje të dëbimit, sipas Ligjt për të huajtë dhe integrimin, mund të zgjasë gjashtë muaj. Nëse i ndaluari nuk bashkëpunon, ai mund të zgjatet maksimalisht edhe për dymbëdhjetë muaj të tjerë
Sipas Gjykatës Federale, nëse për problemet fillestare rreth dëbimit mund të fajësohet i arrestuari, ai nuk është përgjegjës për problemet e shkaktuara nga pandemia e koronavirusit.
Ai po ashtu nuk bart përgjegjësi për faktin se është dashur të priten kaq gjatë autoritetet marokene për konfirmimin e identitetit të tij.
Të ngjashme
Të tjera nga Tematike
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane